Hi Friends,

Even as I launch this today ( my 80th Birthday ), I realize that there is yet so much to say and do.

There is just no time to look back, no time to wonder,"Will anyone read these pages?"

With regards,
Hemen Parekh
27 June 2013

Monday, 13 October 1986

ભવભવ ના વાયદા



______________________________________________________
તું તો કહ્યા કરે , સ્વપના માં  ,

     "  મારા સમ ,
        વાલમ
        તારી રાહ માં
        મારી આંખો ઉરનમ  "

મને કહેતા ના આવડ્યું ,
શબનમ , કે

       "  તારી રાહ જોતા
          જો મારી આંખ નું અમી સૂકાશે
          તો જીવન - સંધ્યા ના
          ડૂબતા સૂરજ ને
          સાથ - સાથ કેમ કરી જોશું ?

          તારી આંખ માં આંખ પરોવી
          ભવભવ ના વાયદા
          કેમ કરી દેશું ?  "

મને પૂછતાં ના આવડ્યું ,
શમા ,
કે

          " સંસાર સારો મરી ને બળે
            પણ તું અને હું તો
            સજીવે સળગ્યાં ,

           ક્યાં પૂર્વ કર્મ ના ક્ષય
           હજુ બાકી છે  ? "
------------------------------------------------------------------------

13   Oct  1986

______________________________________________________



Saturday, 16 August 1986

પણ ગીત કેમ કરી ગાઉં ?



______________________________________________________
સૌને પોત -પોતાની નિરાશા છે
મને પણ છે મારી  ;

જેનું નામ લેતાં
      જેના કદમો ચૂમતા
મારા ઓઠ સૂકાયા છે ,
     
       રાતે જેટલી વાર પડખું ફેરવું છું
       તેટલી વાર
       એના ઓઠ ની લાલી નું શમણું નીરખું છું  ;

શમણાં  જ  શમણાં ,

કાળી રાત માં
લાલ - પીળા  શમણાં !

રાતરાણી ના શમણા

મઘમઘતા મોગરાની
વેણી ના શમણા ,

શ્રાવણ ને સરવડે મને
ચંપાની રમણા  ;

કસુંબલ કેસૂડાં જેવી તારી
બે આંખો ની ભ્રમણા  ;

મેં તને છેલ્લું ક્યારે કહ્યું હતું કે
હું તને ચાહું છું  ?

સ્વપ્નમાં તારા જયારે ,
આવ્યો હતો છેલ્લો ત્યારે  ?

મારે ગાઉં છે ,
પણ ગીત કેમ કરી ગાઉં  ?

આજે મેઘ ને મલ્હાર છો રડાવે ,
મારા ઓઠ ને
કોણ આવે આડે  ?

મારી આંખો ના નીર તારા કદમો ને ચૂમે ,
તો
તારા દિલ ની હરિયાળી શું ઝૂમે  ?

-------------------------------------------------------------------------------

16  Aug  1986
______________________________________________________



Friday, 20 June 1986

મારે બીજી કઈ આશ છે ?




_________________________________________________________________________________
જે અવિનાશી છે
તેને અનુરાગ નથી

દુ:ખ  નો ત્રાસ નથી
સુખ નો આભાસ પણ નથી ;

એવા મારા આત્મા ને
આ ભવ શું  - પરભવ શું ?

મિલન અને વિરહ શું ?

મારે એવા આત્મા નથી થવું
ઇચ્છાઓ થી પર
એવા પરમાત્મા નથી થવું  :

મારે તો , " તારો " થવું છે ,
અહીં - આ જમીન પર
આકાશ માં નહિ  !

અંધારા ઓગળી ને
મારી આંખો માં ઉતરે
તે પહેલાં ,

તું મારી થઇ જા
મારા માં સમાઈ જા  -

બાકી બધો બકવાસ છે
તારા વિના
મારે બીજી કઈ આશ છે  ?

_________________________________________________________________________________


ખંડેર ને કદી બારી દીઠી છે ?



______________________________________________________
હાથમાં કશું  આવ્યું નહિ
છતાં હજુ હવાતિયા નાખું છું  ;

     કઈ આશ માં
     તારી છવી ને ,

દિનરાત પાશ માં રાખું છું  ?

હવે તો નિસાસા નાખું છું  !

તો ક્યારેક
અમાનુષી અટ્ટહાસ્ય થી

જીવન ના ખાલી ખુણાઓ
ભરી દઉં છું  ;

તારી વાટ ક્યાંથી ઝાંખું  ?

ખંડેર ને કદી બારી દીઠી છે ?

વાળું ના આ અફાટ રણમાં
કઈ દિશા દેખું  ?

ચોતરફ છલકતા ઝાંઝવા ના જળ
'ને
મારા મન નો ચાતક
મેઘ ને તરસે -

સારસ પર જેમ
સારસી વરસે  !

---------------------------------------------------------------

20  June  1986
______________________________________________________

Friday, 14 February 1986

આશાએ મને છેતર્યો



______________________________________________________
પુરાણી નાવ ને પતવાર શું  ?

હવે તો ,
ધારા લઇ જાય
ત્યાંજ મારે ઓવારા  ;

ચોતરફ ધુમ્મસે દિશા ઘેરી ;

તને કેમ સમઝાવું કે ,
મારી હવે
હર એક ,
શામ 'ને નિશા વેરી  !

     આશાએ મને છેતર્યો
     કે
     મેં તને  ?

તમન્નાઓને કહું કેમ કે
રાહબર ભૂલો પડ્યો  !

---------------------------------------------------------

14  Feb  1986

______________________________________________________